Ang Nakalimutang Araw sa Kasaysayan
Leksyon 7
Alam mo bang may napakahalagang araw sa Biblia na halos ang lahat ay nakalimutan na? Nakapagtataka na iilang tao lamang ang nakakaalam dito, sapagkat ito ay isa sa pinakamahalagang araw sa buong kasaysayan ng tao! Hindi lamang ito isang araw sa nakaraan, ngunit mayroon din itong kabuluhan para sa atin ngayon at sa hinaharap. Bukod dito, kung ano ang mangyayari sa nakaligtaang araw na ito ay maaaring magkaroon ng positibong epekto sa iyong buhay. Nais mo bang malaman ang higit pang mga kamangha-manghang mga katotohanan tungkol sa nakalimutang araw sa kasaysayan? Kung gayon ay basahin nang mabuti ang Patnubay sa Pag-aaral na ito.
1. Sa anong araw nakasanayang
sumamba ni Jesus?
"Dumating siya sa Nazaret na kanyang nilakhan. Siya'y pumasok sa sinagoga nang araw ng Sabbath, tulad ng kanyang nakaugalian at tumindig siya upang bumasa" (Lucas 4:16).
Sagot: Ang nakaugalian ni Jesus ay ang sumamba sa araw ng Sabbath.
2. Ngunit aling araw sa kasaysayan ang nakalimutan?
"Ngunit ang ikapitong araw ay Sabbath sa Panginoon mong Diyos" (Exodo 20:10).
"Nang makaraan ang Sabbath ...pagka-umaga nang unang araw ng linggo, pagkasikat ng araw, pumunta sila sa libingan" (Marcos 16:1, 2).
Sagot: Kailangan ng masusing pananaliksik upang masagot ang katanungang ito. Maraming naniniwala na ang Sabbath ay ang unang araw ng linggo, Linggo, ngunit ang Biblia ay talagang nagsasabi na ang Sabbath ay ang araw bago ang unang araw ng linggo. Ayon sa Banal na Kasulatan, ang Sabbath ay ang ikapitong araw ng linggo - iyon ay, Sabado.
3. Saan nagpasimula ang Sabbath?
"Nang pasimula, nilikha ng Dios ang langit at ang lupa. ...Nang ikapitong araw ay natapos ng Dios ang gawain na Kanyang ginawa, at nagpahinga Siya nang ikapitong araw mula sa lahat ng gawaing Kanyang ginawa. At binasbasan ng Dios ang ikapitong araw at Kanyang ginawang banal" (Genesis 1:1; 2:2, 3).
Sagot: Ginawa ng Dios ang Sabbath sa panahon ng Paglalang, nang ginawaNiya ang mundo. Nagpahinga Siya sa araw ng Sabbath at binasbasan at ginawaitong banal —ibinukod Niya ito para sa banal na paggamit.
4. Ano ang sinasabi ng Dios tungkol sa Sabbath sa Sampung Utos?
"Alalahanin mo ang araw ng Sabbath, upang ingatan itong banal. Anim na arawkang gagawa at iyong gagawin ang lahat ng iyong gawain; ngunit ang ikapitong araw ay Sabbath sa Panginoon mong Dios. Sa araw na ito ay huwag kang gagawa ng anumang gawain, ikaw o ang
iyong anak na lalaki, ang iyong anak na babae, ang iyong aliping lalaki, ang iyong aliping babae, ang iyong mga baka, ang dayuhang nasa loob ng iyong mga pintuan; sapagkat sa loob ng anim na araw ay ginawa ng Panginoon ang langit at lupa, ang dagat, at lahat ngnaroroon, at nag pahinga sa ikapitong araw; kaya't binasbasan ng Panginoon ang araw ng Sabbath, at ginawa itong banal" (Exodo 20:8–11). "Ibinigay sa akin ng Panginoon ang dalawang tapyas na bato na sinulatan ng daliri ng Dios" (Deutronomio 9:10).
Sagot: Sa ika-apat na utos sa Sampung Utos, sinabi ng Dios na dapat nating ingatan ang Sabbath na ikapitong-araw bilang Kanyang banal na araw. Tila alam ng Dios na ang mga tao ay madaling makalimutan ang Kanyang Sabbath, kaya't sinimulan Niya ang utos na ito sa salitang "alalahanin."
5. Ngunit hindi ba nabago ang Sampung Utos?
Sinasabi ng Exodo 20:1, "Binigkas ng Dios ang lahat ng salitang ito, na sinasabi… [Ang Sampung Utos ay sa sumusunod na mga talata 2–17]." Sinabi ng Dios, "Ang Aking tipan ay hindi Ko lalabagin, ni ang salita na lumabas sa Aking mga labi ay Aking babaguhin." (Awit 89:34). Sinabi ni Jesus, "Ngunit mas madali pa para sa langit at lupa na lumipas, kaysa maalis ang isang kudlit sa kautusan" (Lukas 16:17).
Sagot: Hindi! Imposibleng magbago ang alinman sa kautusang moral ng Dios. Ang lahat ng Sampung Utos ay umiiral pa rin ngayon. Tulad ng iba pang siyam na utos na hindi nagbago, hindi rin nabago ang ikaapat na utos.
6. Pinangalagaan ba ng mga apostol ang Sabbath sa ikapitong araw?
"At si Pablo ay pumasok ayon sa kanyang kaugalian, at sa loob ng tatlong Sabbath ay nangatuwiran sa kanila mula sa mga kasulatan" (Gawa 17:2).
"Si Pablo at ang kanyang mga kasama ...At nang araw ng Sabbath, sila'y pumasok sa sinagoga at umupo" (Gawa 13:13, 14).
"At sa araw ng Sabbath ay pumunta kami sa labas ng pintuan sa may tabi ng ilog na sa palagay namin ay may dakong panalanginan, at kami'y umupo, at nakipag-usap sa mga babaing nagtitipon doon" (Gawa 16:13).
"At siya'y[Pablo] nakikipagtalo tuwing Sabbath sa sinagoga at sinisikap na mahikayat ang mga Judio at mga Griyego" (Gawa 18:4)
Sagot: Oo. Nilinaw ng aklat ng Gawa na si Pablo at ang unang iglesia ay iningatang banal ang Sabbath.
7. Sumamba din ba ang mga Hentil ng Sabbath na ikapitong araw?
Sinabi ng Dios, “Mapalad ang taong gumagawa nito… na nangingilin ng Sabbath at hindi ito nilalapastangan … At ang mga dayuhan na sumanib sa Panginoon… bawat nangingilin ng Sabbath at hindi nilalapastangan ito, at nag- iingat ng Aking tipan - sila ay dadalhin Ko sa Aking banal na bundok, at pasasayahin Ko sila sa Aking bahay dalanginan…sapagkat ang Aking bahay ay tatawaging bahay panalanginan para sa lahat ng mga bayan ”(Isaias 56:2, 6, 7).
Itinuro ito ng mga apostol: "Nang lumabas ang mga Judio sa sinagoga, nakiusap ang mga tao[Hentil] na ang mga bagay na ito ay muling sabihin sa kanila sa susunod na Sabbath. …Nang sumunod na Sabbath ay nagtipon ang halos buong lunsod upang pakinggan ang salita ng Panginoon ”(Gawa 13:42, 44).
"At siya'y nakikipagtalo tuwing Sabbath sa sinagoga at sinisikap na mahikayat ang mga Judio at mga Griyego" (Mga Gawa 18:4) Mga talata sa Biblia ay mula sa ANG BIBLIA, 2001
Sagot: Ang mga apostol sa unang iglesia ay hindi lamang sumunod sa utos ng Sabbath ng Dios, bagkus ay itinuro din nila sa nabagong mga Hentil na sumamba sa Sabbath.
8. Ngunit hindi ba binago ang Sabbath sa araw Linggo?
Sagot: Hindi. Walang sinasabi kahit saan sa Banal na Kasulatan na si Jesus, Kanyang Ama, o ang mga apostol kailanman - sa anumang
oras, sa anumang pangyayari - ay binago ang banal na ikapitong-araw na Sabbath sa anumang ibang araw. Sa katunayan, ang Biblia ay nagtuturo ng kabaligtaran. Isaalang-alang ang katibayan para sa iyong sarili:
A. Binasbasan ng Dios ang Sabbath
"Binasbasan ng Panginoon ang araw ng Sabbath, at ginawa itong banal" (Exodo 20:11).
"At binasbasan ng Dios ang ikapitong araw at kanyang ginawang banal"
(Genesis 2:3).
B. Inaasahan ni Cristo na ang Kanyang bayan ay pananatilihin pa rin ang Sabbath sa A.D. 70 nang nawasak ang Jerusalem.
Dahil lubos na alam na ang Jerusalem ay mawawasak ng Roma sa A.D. 70, binalaan ni Jesus ang Kanyang mga tagasunod nang mga panahog iyon, na sinasabi, "Kaya't idalangin ninyo na huwag mangyari ang pagtakas ninyo sa taglamig o sa Sabbath" (Mateo 24:20). Nilinaw ni Jesus na ang Kanyang bayan ay patuloy na iingatan ang Sabbath kahit 40 taon ang nakalipas pagkatapos ng
Kanyang pagkabuhay na mag-uli.
C. Ang mga kababaihan na nagpunta upang pahiran ang patay na katawan ni Cristo ay pinangalagaan ang Sabbath "(Marcos 15:37, 42), na ngayon ay tinatawag na Biyernes Santo
Namatay si Jesus noong "araw bago ang Sabbath" (Marcos 15:37, 42), na madalas na tinatawag na "Biyernes Santo." Ang mga kababaihan ay naghanda ng mga pabango at panghaplos sa Kaniyang katawan, pagkatapos ay "nang araw ng Sabbath sila'y nagpahinga ayon sa kautusan" (Lucas 23:56). "Nang makaraan ang Sabbath (Marcos 16:1) ay dumating ang mga kababaihan "nang unang araw ng linggo" (Marcos 16:2) upang ipagpatuloy ang kanilang nakalulungkot na gawain. Natagpuan nila si Jesus na "Siya nga'y magbangon nang unang araw ng linggo" (talata 9), karaniwang tinatawag na "Linggo ng Pagkabuhay."Mangyaring tandaan na ang Sabbath "ayon sa utos" ay araw bago ang Linggo ng Pagkabuhay, na tinatawag nating Sabado.
D. Si Lucas na sumulat ng Mga Gawa, ay hindi tumutukoy sa anumang pagbabago ng araw ng pagsamba.
Walang tala sa biblia ng pagbabago. Sa aklat ng Mga Gawa, sinabi ni Lucas na isinulat niya ang kanyang Ebanghelyo (ang aklat ni Lucas) tungkol sa "lahat" ng mga turo ni Jesus (Gawa 1: 1-3). Ngunit hindi siya kailanman nagsulat tungkol sa pagbabago ng Sabbath.
9. Sinasabi ng ilang mga tao na pananatilihin din ang Sabbath sa Bagong Lupa ng Dios. Tama ba ito?
"Sapagkat kung paanong ang mga bagong langit at ang bagong lupa na aking lilikhain ay mananatili sa harapan ko, sabi ng Panginoon, gayon mananatili ang inyong lahi, at ang inyong pangalan. At mula sa bagong buwan hanggang sa isa pang bagong buwan, at mula sa isang Sabbath hanggang sa isa pang Sabbath, paroroon ang lahat ng laman upang sumamba sa harapan ko, sabi ng Panginoon" (Isaias 66:22, 23).
Sagot: Oo. Sinasabi ng Biblia na ang mga taong naligtas sa lahat ng panahon ay iingatan ang Sabbath sa bagong lupa.
10. Ngunit hindi ba ang Linggo ang Araw ng Panginoon?
"Iyong tinawag ang Sabbath bilang isang kasiyahan, at marangal ang banal na araw ng Panginoon" (Isaias 58:13).
"Sapagkat ang Anak ng Tao ay panginoon ng Sabbath" (Mateo 12:8).
Sagot: Binabanggit ng Biblia ang "Araw ng Panginoon" sa Apocalipsis 1:10,kaya't ang Panginoon ay mayroong isang espesyal na araw. Ngunit walangtalata ng Banal na Kasulatan na tumutukoy sa Linggo bilang Araw ngPanginoon. Sa halip, malinaw na kinikilala ng Biblia ang Sabbath na ikapitong-araw bilang Araw ng Panginoon. Ang nag-iisang araw na pinagpala at inangkinng Panginoon na pag-aari Niya ay ang Sabbath na ikapitong-araw. Mga talata saBiblia ay mula sa ANG BIBLIA, 2001
11. Hindi ba dapat nating gawing banal ang Linggo bilang pagkilala sa muling pagkabuhay ni Cristo?
O hindi ba ninyo nalalaman na tayong lahat na mga nabautismuhan kay Cristo Jesus ay mga nabautismuhan tungo sa kanyang kamatayan? Kaya't tayo ay inilibing na kasama niya sa pamamagitan ng bautismo tungo sa kamatayan; na kung paanong si Cristo ay muling nabuhay mula sa mga patay sa pamamagitan ng kaluwalhatian ng Ama, gayundin naman tayo'y makakalakad sa panibagong buhay. Sapagkat kung tayo'y naging kasama niya na katulad ng kanyang kamatayan, ay magkakagayon din naman tayo sa kanyang muling pagkabuhay.
Nalalaman natin na ang ating dating pagkatao ay kasama niyang ipinako sa krus, upang ang katawang makasalanan ay mawalan ng bisa, at upang tayo'y hindi na magpaalipin pa sa kasalanan" (Roma 6:3–6).
12. Kung gayon. kung ang pagsunod sa Linggo ay wala sa Biblia, kaninong ideya ito?
"At siya'y ...iisiping baguhin ang mga panahon at ang kautusan"
(Daniel 7:25).
"Kaya, pinawalang-saysay ninyo ang salita ng Dios dahil sa inyong tradisyon. ... At walang kabuluhan ang pagsamba nila sa Akin, na itinuturo nila bilang mga aral ang mga alituntunin ng mga tao" (Mateo 15:6, 9).
"Ang kanyang mga pari ay nagsigawa ng karahasan sa Aking mga aral at nilapastangan ang Aking mga banal na bagay. ...At pininturahan sila ng puti ng mga propeta ...na nagsabi, ‘Ganito ang sabi ng Panginoong Dios,’ bagaman hindi nagsalita ang Panginoon" (Ezekiel 22:26, 28).
Sagot: Mga 300 taon ang nakalipas pagkatapos ng pagkabuhay na mag-uli ni Jesus, dahil sa poot laban sa mga Hudyo, iminungkahi ng mga nalinlang na kalalakihan na ang banal na araw ng pagsamba ng Dios ay palitan ang Sabado ng Linggo. Hinulaan ng Dios na mangyayari ito, at nangyari nga. Ang
pagkakamaling ito ay naipasa sa ating hindi naghihinalang henerasyon bilang katotohanan.
Gayunpaman, ang pag-iingat sa Linggo ay isa lamang tradisyon ng mga tao at nilalabag ang utos ng Dios, na nag-uutos sa pagsunod sa Sabbath. Ang Dios lamang ang makakagawa ng isang araw na banal. Pinagpala ng Dios ang Sabbath, at kapag pinagpala ng Dios, walang sinuman ang maaaring "magbago
nito" (Bilang 23:20).
13. Ngunit hindi ba mapanganib na baguhin ang batas ng Dios?
"Huwag ninyong daragdagan ni babawasan ang salita na aking iniuutos sa inyo, upang inyong matupad ang mga utos ng Panginoon ninyong Dios na aking iniuutos sa inyo" (Deutronomio 4:2).
"Bawat salita ng Dios ay subok na totoo ...Huwag kang magdagdag sa Kanyang mga salita, baka sawayin ka Niya at masumpungang sinungaling ka" (Kawikaan 30:5, 6).
Sagot: Ipinagbawal ng Dios sa mga tao na baguhin ang Kanyang kautusan, alinman sa mga pagtanggal o pagdaragdag. Ang pagbabago sa utos ng Dios ay isa sa mga pinaka-mapanganib na bagay na magagawa ng isang tao, sapagkat ang utos ng Dios ay perpekto at idinisenyo upang protektahan tayo mula sa kasamaan.
14. Bakit nga ba ginawa pa rin ng Dios ang Sabbath?
A. Tanda ng Paglikha
"Alalahanin mo ang araw ng Sabbath, upang ingatan itong banal ...sapagkat sa loob ng anim na araw ay ginawa ng Panginoon ang langit at lupa, ang dagat, at lahat ng naroroon, at nagpahinga sa ikapitong araw; kaya't binasbasan ng Panginoon ang araw ng Sabbath, at ginawa itong banal" (Exodo 20:8, 11).
B. Tanda ng Pagtubos at Pagpapakabanal
"Ibinigay Ko rin naman sa kanila ang Aking mga Sabbath, bilang isang tanda sa pagitan Ko at nila, upang kanilang malaman na Ako ang Panginoon na nagpapabanal sa kanila" (Ezekiel 20:12).
Sagot: Ibinigay ng Dios ang Sabbath bilang dalawang ulit na tanda: (1) Ito ay isang palatandaan na nilikha Niya ang mundo sa anim na literal na araw, at (2) ito rin ay isang tanda ng dakilang kapangyarihan ng Dios na tubusin at pakabanalin ang mga tao. Ito ay natural na tugon para sa Kristiyano na mahalin
ang Sabbath na ikapitong araw bilang mahalagang tanda ng Dios ng Paglikha at pagtubos (Exodo 31:13, 16,
17; Ezekiel 20:20). Isang malaking paghamak na yurakan ang Sabbath ng Dios. Sa Isaias 58:13, 14, sinabi ng Dios na ang lahat na pagpapalain ay dapat na alisin ang kanilang mga paa sa Kanyang banal na araw. Mga talata sa Biblia ay mula sa ANG BIBLIA, 2001
15. Gaano kahalaga na maingatang banal ang Sabbath?
"Ang kasalanan ay ang paglabag sa kautusan" (1 Juan 3:4).
"Sapagkat ang kabayaran ng kasalanan ay kamatayan" (Roma 6:23).
"Sapagkat sinumang tumutupad ng buong kautusan, subalit lumalabag sa isa, ay nagkakasala sa lahat" (Santiago 2:10).
"Sapagkat si Cristo man ay nagdusa alang-alang sa inyo, na kayo'y iniwanan ng halimbawa, upang sumunod kayo sa Kanyang mga yapak" (1 Pedro 2:21).
"Siya ang naging pinagmulan ng walang hanggang kaligtasan ng lahat ng mga sumusunod sa Kanya" (Hebreo 5:9).
Sagot: Ito ay usapin ng buhay at kamatayan. Ang Sabbath ay protektado at itinataguyod ng ika-apat na utos ng kautusa ng Dios. Ang sadyang paglabag sa alinman sa Sampung Utos ay kasalanan. Masayang susundin ng mga Kristiyano ang halimbawa ni Cristo sa pag-iingat ng Sabado.
16. Ano ang nararamdaman ng Dios sa mga lider ng relihiyon na ipinagwawalang bahala ang Sabbath?
"Ang kanyang mga pari ay nagsigawa ng karahasan sa Aking mga aral at nilapastangan ang Aking mga banal na bagay. Hindi nila binigyan ng pagkakaiba ang banal at ang karaniwan ...kanilang pinawalang-halaga ang Aking mga Sabbath, kaya't Ako'y nalapastangan sa gitna nila ...Kaya't Aking ibinuhos ang Aking galit sa kanila" (Ezekiel 22:26, 31).
Sagot: Habang may ilang mga lider ng relihiyon na nagpapanatiling banal sa araw ng Linggo dahil hindi nila nalalamang mabuti, ang mga sadyang ginagawa ito ay nilapastangan ang tinawag na banal ng Dios. Sa pagkukubli ng kanilang mga mata mula sa totoong Araw ng Dios, maraming mga lider ng relihiyon ang
nagdulot sa iba na lapastanganin dn ito. Milyun-milyon ang naligaw sa bagay na ito. Sinaway ni Jesus ang mga Pariseo sa pagpapanggap na mahal nila ang Dios habang pinawawalang bisa ang isa sa Sampung Utos ayon sa kanilang tradisyon (Marcos 7:7–13).
17. Tunay bang nakakaapekto ang pag iingat ng Sabbath sa personal na buhay ng tao?
"Kung Ako'y inyong minamahal ay tutuparin ninyo ang Aking mga utos" (Juan 14:15).
"Kaya't ang sinumang nakakaalam ng paggawa ng mabuti ngunit hindi ito ginagawa, ito ay kasalanan sa kanya" (Santiago 4:17).
"Mapapalad ang naghuhugas ng kanilang damit, upang sila'y magkaroon ng karapatan sa punungkahoy ng buhay at makapasok sa lunsod sa pamamagitan ng mga pintuan" (Apocalipsis 22:14).
"At sinabi Niya[Jesus] sa kanila, “Ang Sabbath ay ginawa para sa tao, at hindi ang tao para sa Sabbath" (Marcos 2:27).
Sagot: Oo! Ang Sabbath ay isang regalo mula sa Diyos, na gumawa para sa iyo bilang isang pahinga mula sa mundo! Likas sa mga taong nagmamahal sa Kanya na nais na sundin ang Kanyang utos sa Sabbath. Sa katunayan, ang pag- ibig na walang pagsunod sa utos ay hindi pag-ibig (1 Juan 2: 4). Ito ay isang desisyon na dapat nating lahat na gawin, at hindi natin ito maiiwasan. Ang magandang balita ay ang pagpili ng pagsunod sa Sabbath ay lubos kang pagpapalain!
Sa Sabbath, maaari kang huwag mag-atubiling tumigil — walang pagkabagabag! —Ang iyong regular na pang-araw-araw na gawain, tulad ng trabaho at pamimili, at, sa halip, gumugol ng oras kasama ang Lumikha ng sansinukob. Ang pagsamba sa Dios kasama ng iba pang mga mananampalataya,paggugol ng oras ka sama ang pamilya, paglalakad sa kalikasan, pagbabasa ng mga materyal na nakapagpapalakas ng espiritwal, at maging ang pagbisita at paghimok sa mga maysakit ay pawang mabuting paraan upang mapanatili na banal na Sabbath. Matapos ang pagod ng anim na araw na pagtatrabaho, binigyan ka ng Dios ng regalo ng Sabbath upang makapagpahinga mula sa iyong mga pinagpagalan at busugin ang iyong kaluluwa. Maaari kang magtiwala na alam Niya kung ano ang pinakamahusay para sa iyo!
18. Nais mo bang parangalan ang Dios sa pamamagitan ng pagpapanatiling banal sa Kanyang ikapitong araw na Sabbath?
Sagot:
Mga Palaisipang Katanungan:
1. Ngunit hindi ba ang Sabado ay para sa mga Judio lamang?
Hindi. Sinabi ni Jesus, "Ang Sabbath ay ginawa para sa tao" (Marcos 2:27).
Hindi ito para sa mga Hudyo lamang, ngunit para sa sangkatauhan - lahat ng kalalakihan at kababaihan saanman. Ang bansang Hudyo ay hindi pa umiiral hanggang 2,500 taon pagkatapos magawa ang Sabbath.
2. Hindi ba patunay ang Gawa 20: 7–12 na pinangalagaan ng mga alagad ang Linggo bilang isang banal na araw?
Ayon sa Biblia, ang bawat araw ay nagsisimula sa paglubog ng araw at nagtatapos sa susunod na paglubog ng araw (Genesis 1:5, 8, 13, 19, 23, 31; Levitico 23:32) at ang madilim na bahagi ng araw ay nauuna. Kaya't ang Sabbath ay nagsisimula sa Biyernes ng gabi sa paglubog ng araw at nagtatapos sa Sabado ng gabi sa paglubog ng araw. Ang pulong na ito na tinalakay sa Gawa 20 ay ginanap sa madilim na bahagi ng Linggo, o sa tinatawag nating ngayong Sabado ng gabi. Ito ay isang pagpupulong ng Sabado ng gabi, at ito ay tumagal hanggang hatinggabi. Si Pablo ay nagpapaalam at alam na hindi na niya makikita ang mga taong ito (talata 25). Hindi kataka-taka na ang haba niyang nangaral! (Walang regular na lingguhang paglilingkod ang maaaring tumagal ng buong gabi.) Si Paul ay "handa na umalis sa susunod na araw" (talata 7). Ang pagpira-piraso ng tinapay ay walang partikular na kahalagahan dito, sapagkat sila ay nagpuputol ng tinapay araw-araw (Gawa 2:46). Walang pahiwatig sa talatang ito na ang unang araw ay banal, ni hindi ito kinilala ng mga naunang Kristiyano. Ni walang katibayan na ang Sabbath ay nabago.
(Hindi sinasadya, ang pagpupulong na ito ay malamang na nabanggit lamang dahil sa himala ng pagbuhay na muli kay Eutychus matapos niyang mamatay) Sa Ezekiel 46:1, tinukoy ng Dios ang Linggo bilang isa sa anim na "araw na paggawa."
3. Hindi ba binabanggit ng 1 Corinto 16: 1,2 ang mga handog sa pag aaral tuwing linggo?
Hindi. Walang katibayan dito sa isang pagpupulong sa pampublikong pagsamba. Ang pera ay dapat itabi nang pribado sa bahay. Sumulat si Pablo upang hilingin sa mga iglesia sa Asia Minor na tulungan ang kanilang mga kapatid na naghihirap sa Jerusalem (Roma 15: 26–28). Ang mga Kristiyanong ito ay Mga talata sa Biblia ay mula sa ANG BIBLIA, 2001
pinananatiling banal ang Sabbath, kaya iminungkahi ni Pablo na sa Linggo ng umaga, matapos ang Sabado, ay maglaan sila para sa kanilang nangangailangan na mga kapatid upang ito ay nakahanda na pagka siya ay dumating. Gagawin ito nang pribado — sa madaling salita, sa bahay. Walang katibayan dito sa Linggo bilang isang banal na araw.
4. Ngunit hindi ba nakalimutan ang panahon at ang mga araw ng sanglinggo ay nagbago mula sa panahon ni Cristo?
Hindi. Sumasang-ayon ang mga iskolar at manunulat ng kasaysayan na bagaman ang kalendaryo ay nagbago, ang lingguhang pitong araw na pag-ikot ay hindi kailanman nagbago. Samakatuwid, makatitiyak na ang ating ikapitong araw ay ang parehong ikapitong araw na pinaging banal ni Jesus.
5. Hindi ba ang Juan 20:19 ang tala ng mga alagad na nagtatag ng Linggo
na kanilang pinapanatili bilang pagpaparangal sa pagkabuhay na mag-uli?
Hindi. Ang mga alagad sa panahon na ito ay hindi naniniwala na ang muling pagkabuhay ay naganap. Nagkita sila roon "sa takot sa mga Hudyo." Nang si Jesus ay nagpakita sa kanilang kalagitnaan, sila'y Kanyang pinagsabihan "sapagkat hindi nila pinaniwalaan ang mga nakakita sa Kanya pagkatapos na
Siya'y muling mabuhay" (Marcos 16:14). Walang implikasyon na kinilala nila ang Linggo bilang isang banal na araw. Walong talata lamang sa Bagong Tipan ang binabanggit ang unang araw ng linggo, at wala sa mga ito ang nagpapahiwatig na ito ay banal.
6. Hindi ba inalis na sa Colosas 2: 14–17 ang Sabbath na ikapitong-araw?
Hindi naman talaga. Tumutukoy lamang ito sa taunang, seremonya ng Sabbath "isang anino ng mga bagay na darating" at hindi sa Sabbath na ikapitong-araw. Mayroong pitong taunang mga banal na araw, o pagdiriwang, sa sinaunang Israel na tinawag ding mga sabbath (tingnan sa Levitico 23). Ito ay bilang karagdagan sa, o "bukod sa Sabbath ng Panginoon" (Levitico 23:38), o Sabbathna ikapitong-araw. Ang kanilang pangunahing kahalagahan ay sa pagpapahayag, o pagturo sa, krus at nagtapos sa krus. Ang Sabbath ng Dios ay ginawa bago pa magkasala si Adan, at samakatuwid ay walang mailarawan tungkol sa pagliligtas mula sa kasalanan. Iyon ang dahilan kung bakit ang Colosas 2 ay partikular na binabanggit at pinag iba ang mga araw ng sabbath na "isang anino."
7. Sinasabi sa Roma 14: 5, hindi ba ang araw na iniingatan natin ay ayon sa
ating sariling opinyon?
Mga talata sa Biblia ay mula sa ANG BIBLIA, 2001
Pansinin na ang buong kapitulo ay patungkol sa paghatol sa bawat isa (talata 4, 10, 13) "sa mga kaduda-dudang bagay" (talata 1). Ang isyu dito ay hindi tungkol sa Sabbath na ikapitong-araw, na bahagi ng kautusang moral, ngunit sa iba pang mga relihiyosong araw. Ang mga Kristiyanong Hudyo ay hinuhusgahan ang mga Hentil na Kristiyano sa hindi pagsunod sa kanila. Simpleng sinasabi lang ni Pablo na, “Huwag niyong husgahan ang isa't isa. Ang seremonyal na kautusang iyon ay hindi na umiiral."
